پیره هه لو

         پیره هه لو

پاییـــــــزه‌، دار و ده‌وه‌ن بێ به‌رگـــــــــه‌

 دڵ په‌شـــــــۆکاوی خـــــــه‌یاڵی مه‌رگه‌

هـــــه‌ر گه‌ڵایێ که‌ لـــــه‌ دارێ ده‌وه‌رێ

نووســـــراوێکه‌ به‌ ناخــــــۆش خه‌وه‌رێ

تاو هـــــه‌ناوی  نیه‌ وا مـــــات و په‌شێو

له‌شــــی زامــــــاری  ده‌کێشێته‌ نشێو

رۆژپه‌ڕه‌، ســــارده‌ کـــزه‌ی بای زریــــان

کاتـــه‌ بــــۆ ژینی  له‌ ده‌س چوو ، گریان

دڵی پڕ بوو لــــه‌ په‌ژاره‌ و لـــــه‌ دڵـــــــۆ

ژینی خـــــۆی هـــــــاته‌وه‌ بیر پیره‌هه‌ڵۆ

به‌ قســــه‌  خۆشه‌ ،  مــــه‌ترسی مردن

تاڵه‌ ئه‌و هه‌ستی به‌ مـــــردن کـــــــردن

کاتی کۆچ کــــــــردنه‌، وه‌ختی سه‌فه‌ره

‌داخه‌که‌م، ســــه‌ختی نه‌مـــــانم له‌به‌ره‌

هه‌ر بینا هـــــات ئه‌جـــــه‌ل  و من مردم

با لــــــه‌ شیوێ په‌ڕ و باڵــــــــــــی بردم

تۆ بڵێی پاشـــــی نه‌مـــــــان ژینێ بێ؟

بۆ لــــــــــه‌شی سارده‌وه‌بوو  تینێ بێ؟

تۆ بڵێی ئه‌و خـــــــــه‌وه‌ هه‌ستانی بێ؟

یانـه‌ ئه‌و قــــــافڵه‌ وه‌ستانــــــــــی بێ؟

مه‌رگه‌ دێ و دوا به‌ هه‌موو  شت دێنێ

هه‌مــــــوو ئاواتێ لـــــه‌ دڵ  ده‌ستێنێ

پاشه‌رۆکێکــــی بکه‌م لــــــــــــه‌و باخه    

‌تاکــــــــوو باڵ و په‌ڕی مـــــــن په‌رداخه‌

نابمه‌ ڕێبواری کـــــــه‌لی هات و نه‌هات

چاره‌کــــه‌م به‌شکوو ئه‌وا هات و نه‌هات

شاره‌زای ڕێگه‌یی مــــــــــــــردن کێیه‌؟

چیه‌ ئه‌و مــــــــه‌نزڵه‌، کـــوێنه‌ی جێیه‌؟

شاره‌زای ڕێگه‌یی مــــــــــــــردن کێیه‌؟  

چیه‌ ئه‌و مــــــــه‌نزڵه‌، کـــوێنه‌ی جێیه‌؟

 هـــه‌ر بڕۆم نابه‌ڵه‌د و بێ سه‌ر و شوێن

دیار نیه‌  خێڵی هــــــــــه‌ڵۆیان له‌ کوێن

خۆی به‌ خۆی گوت که‌ ده‌چم بۆلای قه‌ل

که‌یخودای پیر و به‌ بیری گـــــــه‌لی مه‌ل

هه‌ڵفڕی ڕاوکـــــــــه‌ری زاڵی کـه‌ژ و کێو

له‌ چیای به‌رزه‌وه‌ ڕووی کــــــــرده‌ نشێو

کــــه‌وته‌ ئه‌و ده‌شته‌ له‌ ترسا ته‌ق و ڕه‌و

ده‌رپه‌ڕی کـــوڕکـــوڕ و  کڕ مـــــایه‌وه‌ که‌و

هاته‌ لای قـــــه‌ل به‌ کـــــزی و بێ وازی

قه‌ل گـــــوتی: مامــــــه‌ هه‌ڵۆ، ناسازی؟

گــــــوتی قـــــــــاڵاوه‌ ڕه‌شه‌ی پسپۆرم!

پیــــــرم و پێیه‌ له‌ لێـــوی گـــــــــــــۆڕم

باخی ژینم به‌ خـــــــه‌زان ژاکـــــــــــــاوه

‌کاتی مـــــــــــــه‌رگه‌ و ئه‌جه‌لیش ناکاوه‌

پێم بڵێ، چــــــــــۆنه‌ که‌ تۆ هه‌ر لاوی؟!

زۆر به‌ ساڵ پیری،به‌ڵام چــــــــا ماوی؟!

هێــــــزی ئه‌ژنۆم  نیه‌، باڵ بێ هێــــــزه

‌هه‌مــــــــوو گیاندارێ ژیان پارێــــــــــــزه‌

قه‌ل گــــــــــوتی: باشه‌ که‌ گوێ ڕادێری

په‌نــــــــــدی  من پاکی به‌ دڵ بسپێری!

ئه‌و ده‌مه‌ی بابی به‌هـــه‌شتیی من مرد

دوور له‌ تۆ، ده‌رد و به‌ڵای ئێــــــــوه‌ی برد

پێی گــــــوتم ڕۆڵه‌ هـــــــه‌وای ڕاز و نزار

هه‌یه‌تی ده‌رد و  نه‌خۆشی به‌ هـــــه‌زار

دێق و زه‌ردوویــــی و ئاهــــــۆ و وه‌رهه‌م

به‌ گـــــــژه‌ی بای به‌ قوه‌ت دێن به‌رهه‌م

گۆشتی که‌و چه‌نده‌  که‌ تام داره‌ به‌ ناو

هه‌نگ و هاڵاوێ ده‌هه‌نــــوێته‌ هــــه‌ناو

تا وزه‌ی بیـــــــر و  خه‌یاڵ  سه‌رده‌که‌وی

که‌ له‌ گۆر کـــــه‌وتی  وه‌ها  وه‌رده‌که‌وی

پــــه‌ین و پاڵـــــێ کــه‌ له‌  پاڵی دێ یه‌

مـــــه‌نزڵی نه‌وکــــــه‌ری خۆتی لێ یه‌

کـــــه‌ره‌ تۆپیـو و کـــــــه‌لاکی گـــــوێلک

هه‌ڵمی دڵ روون که‌ره‌وه‌ی سه‌ر گوێلک

پێکــــــه‌وه‌ چینه‌ بکــــه‌ین لـــــه‌و په‌ینه‌

بۆی ســـه‌نێر مه‌ڵهه‌می بیـــــر و زه‌ینه‌

ورد به‌وه‌ چــــه‌نده‌ به‌ مـــــــــانا قووڵه‌!

مه‌سه‌له‌ و گفتی قه‌لـی ماقـــــــووڵه‌!

بیکه‌ ســــــه‌رمه‌شقی ژیان ئه‌و ئیشه‌

هه‌ر له‌ ســـــه‌ر داری نه‌وی هه‌ڵنیشه‌

هاتــــه‌وه‌ بیری هـــــــه‌ڵۆ رابــــوردووی

پاکـــــی بۆژانه‌وه‌ یادی مـــــــــــردووی

گـــــۆڵ کـــــرا راخــــــه‌ر و  پایـــه‌ندازم

چـــــــه‌نده‌ ئاژوا  لــــه‌شی کێو ئاوازم؟

چه‌نــــده‌ روانیومه‌ زه‌وی لــــــــه‌و بانه‌ ؟

کێو و ده‌شت له‌و سه‌ره‌وه‌ چه‌ند جوانه‌؟

چه‌ند چکــــۆله‌ن په‌له‌وه‌ر لــــه‌و به‌رزه‌ ؟

ئاخ که‌ چه‌ند خوێڕی گه‌ڕه‌  ئه‌م عه‌رزه‌ ؟

کۆلکــــه‌زێڕینه‌ وه‌کــــوو تاقی زه‌فــــه‌ر

ئاسمان بۆ منی به‌ست کاتی سه‌فه‌ر

حـــــه‌وته‌وانان بوو میداڵی  شه‌ڕی من

چه‌نده‌ شۆراوه‌  به‌ خوێن شاپه‌ڕی  من

چه‌نــــده‌ راوی کــــه‌و و کـه‌وباڕم  کرد ؟

دوژمنی تاقمی  شمقــــارم  کـــــــرد ؟

ئێسته‌ بــــۆ وا  ڕه‌بـــــه‌ن  و  دامـــــاوم؟

من هه‌ڵــــــۆ چـــــاو له‌  ده‌می  قاڵاوم!

ساکـــــــــــه  ئه‌و کاره  وه‌هـــــا ساکاره

مه‌رگـــــه‌  میوانی گــــــــه‌دا  و خونکاره

هــــــه‌وری  ئاسمان  ‌بێ خه‌ڵاتم باشه

یا له‌شم  خاشـــــــه‌  بکێشـــــن باشه

گوتی وا ژینی درێژ پێشکه‌شی خــــۆت

گۆشتی مرداره‌وه بوو هه‌ر به‌شی خۆت

ژینی کـــورت  و به‌ هـــه‌ڵۆیی مـــــردن

نه‌ک په‌نا بۆ قـــــه‌لی ڕووڕه‌ش بــــــردن

لای هــــــه‌ڵۆی  به‌رزه‌فڕی به‌رزه‌مـــژی

چون بژی شرطه نه وه ک چه نده بژی